Jowai : Hadien i lai paidbah rah lama yong ki le seiñ ka EJNC, HANM wa ka JSM ynne ka 29 tarik ha Khliehriat ki bor distrik da paanpor ki hadooh ka 4 tarik Thohlakhmi (February) yow pynbait yei kynrum kynram wa mih hei thungkreh LDA cum Typist wa da pynman da ka DSC. Ya kani ka lai paidbah da sdang nadooh na khmat State Bank of India, Khliehriat ter ter hadooh cha ka ophis u DC.
Hadien ini ki bor distrik da khut ki ya ki le seiñ yow wan yaklam wa u DC wei da paanpor u hadooh ka 4 tarik u Thohlakhmi yow chim ya ka rai wa khaddooh hei yatoh wa ini i kaam.
Ki le seiñ da pdiang ki yeini paan u DC dei rai wa u pynkhreh da ka chong kyllaiñ myngor (sit in demonstration) ha khmat ka ophis u DC ha ka 5 tarik lada ym yoh ya ki dawa ki le seiñ kitæ toh wow pynman biang sa chisien ya ka eksaam LDA Cum Typist deiwa khut advertisement biang sa chisein.
Discussion about this post