Pyrchah ki 7 seiñ yei chah kyrriah kaam u SP ka EJH wa u DTO ka WJH

Jowai: Ki ynñiaw tylli ki Seiñbhalang na ri-loom Jaiñtia wa kynthup ya ka AJSU, RJYF, JSU, HNYF East Jaiñtia, JSM, ENJC, HANM da pynsñiaw ki yei pyrchah ya ka rai ka sorkar wow kyrriah (Transfer) ya u Nazarius Lamare uwa man kam u SP ka East Jaiñtia Hills District hanlada dang kreh u dang du 10 bnai donhi hapoh ka District kam u SP.

“Pyrchah i ya ka rai ka sorkar wow kyrriah kaam ya uni u SP neibhah wa man u uwa kreh bha wei uwa sñiawthooh yei eh i khoo ki paidbah wei kammon ka sorkar rai ko wow kyrrriah kaam noh ya oo du hapoh 10 bnai donhi wa man u kam u SP ka EJH,” da ong ki ynñiaw seiñ.

Ynnin ka sngi kini ki seiñ da booh dorkhat ko ha u montri wa pait ya kaam pohyung ka jylla, u James Sangma wei da yachem  ki leh ya u montri ka jylla, u Kyrmen Shylla heiyatoh wa ini i chah kyrriah kaam uni u SP.

Ya kini ki seiñ da yahkhmat da u Lucky Phawa General Secretary AJSU, R Rymbai  President RJYF, Jersom Shylla General Secretary JSU, Julius Nongtdu President HNYF – East Jaiñtia, Teibor Dkhar JSM, S Lyngdoh President ENJC CB, Ency Shadap President HANM East Jaiñtia.

Heiyatoh wa ini neiliang u Kyrmen Shylla da kular u wow chimkhia ya ini.

Heijooh i por da kyntu joor leh ya ka sorkar wow pynneh ya u DTO ka West Jaiñtia Hills, u R. Tariang uwa da ksoh ya ini i kaam dang du chi bnai donhi.

Kini ki seiñ da ong ki wa hadooh ki paidbah da yaroh ki ya u Tariang uwa da kreh chitom tangwa phylla won wow tip wa da chah kyrriah kaam wot u.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Kini ki seiñ da kyntu ki ya u Montri ka tnat Transport ka jylla, u Sniawbhalang Dhar wa ya u MLA ka Jowai u Wailadmiki Shylla wow pynneh ya u Tariang kam u DTO ka WJH.