Shillong: Ka EC yong ka KHADC ynne ka sngi da chim ko ka rai heiyatoh wa i kam tre ka sorkar ya ki thaw ha Saitsohpen wot wow khang ya ki tre chnong u pynheh ki ya ki yung yong ki.
U PN Syiem da ong u wa ka Saitsohpen heipor nachwa man ko ki thaw ki pharæng (British Territory), wei hadien wa mih noh ki da haap noh ki ha i pait ka KHADC neibhah wa dang man ki ki Scheduled Area, tangwa ka sorkar da kam tre ko ya kini ki thaw ha Saitsohpen khlem yohbor na ka Council.
U CEM da ong u wa lada ka sorkar kwah thaw ko ha Saitsohpen haap lai lyngba ka Kasari khian katkam wa phah ka High Court, tangwa ym em ngait ko yeini.
Da ong u wa ka EC da chim ko ya ka rai wow ujor biang cha ka yung Kasari ka Meghalaya High Court ya ini i wym burom i wym ngait ka sorkar ya kani ka hukum.
Discussion about this post