Jowai: Ka seiñ Jaintia National Union (JNU), kawi na ki seiñ kreh mon sniawbha daw pynman ko ya ka yakop chaad tynre ha kani ka 13 tarik uni u bnai ha District Library Auditorium, Mynthong Jowai ka wow sdang nadooh i por 11:00 waje i step.
Neiliang ka seiñ da khut lang ko ya waroh ki khon ka Bri u Ynniaw Wasa kiwa kwah u wan chimbynta ha kani ka yakop chaad tynre yow yohlad u pynyoo yei sap yei phong tynre kamjooh leh ya ki sur tynre.
Ka seiñ JNU ong ko wa i thmu wa kongsan dooh ha kani ka yakop toh u pynneh pynsah ya ka riti dustur, ka burom ka akor ka jaitbru ka yong i kiwa da booh u warim wajah.
Ha kani ka yakop ym emkaam u su bai psiah. Kiwa jop ya kani ka yakop daw rah ki ya ka song poisa T. 10,000 ki wa yoh wa ar T. 7,000 katwa ki wa yoh wa le won u yoh ki T. 3,000.
Kani ka yakop toh du ya kiwa wan kam ki dhab (group).
Kiwon kiwon kiwa kwah u chimbynta ye ki u phone ha kini ki number; 9402586410 / 9402565452.
Ka tarik wa khaddooh u pdiang ya kiwa kwah u chimbynta toh ka 10.02.2016.
Discussion about this post