Jowai: Ka seiñ HNYF da thoh ko cha u Inspector General (IG) ka Border Security Force (BSF) wow ujor yei wan tia ki lieñ na Bangladesh cha Dawki man ka sngi i wym duna ya 50 tylli chi sngi wow tooh moo napoh u pood ka ri India.
Ka seiñ da ong wa waroh ini da jia i phlet næ hawa yoo ki chipai ka BSF yeiwa ki da leh thlah ki ya ini hanlada biang ki ya ki tiar ki tar wow beh ya kini ki bru.
Ha ka 2 tarik uni u bnai heipor 2 waje i sngi kiwa chong chnong ka Darrang waka Dawki da haap ki wow beh ya ki bru Bangla wei da ksoh ki leh ya ar tylli ki lieñ.
Ka seiñ da ong ko leh wa kini ki nong Bangla da nood ki wow psiah hadooh 700 Meter chapoh u pood ka ri India wow leh ya kini ki kaam pyrchah aiñ.
Ka seiñ HNYF kawa man leh ka dkhot ka CCIB kawa yaleh wow pyndep ya i kær pood hapyrdi kini ki ar ri da kyntu ko ya u IG wow khang yeini i wan ki nong Bangla yow lait u mih iwon iwon i jia wa sñiawsih.
Discussion about this post