15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Beiñ ka JHTOA ya ka WJNC-WJZ wa pynbaad khlem yurim ko ya ka Association

0 Comments

Jowai: Ka seiñ Jaiñtia Hills Truck Owners Association (JHTOA) lyngba ka khubor wa phah da u President ka seiñ u N. Chullet da beiñ joor ko yei pynbaad ka seiñ JNC-WJZ wa ka seiñ JHTOA leh embor ko wow khang yei kit mooyong ki kari na baar jylla.

Ka seiñ da pynche ko deiwa ong wa nadooh wa ka NGT da khang ko wow tih mooyong da ktah joor ko ya ki yong i khamtam kiwa em truck kiwa boon da sah ram ki ha ki Bank wei ki Bank leh ym yohsa de ki wei da chim da taan biang ki ya kini ki truck.

U President ka seiñ da ong u wa ka JHTOA em ko ha khmat dooh wow yada wow pait ya ki bru yong i kiwa em truck wei neidaw wa ka NGT ka e por ko du kattu katni por donhi wow kit ya u mooyong, ka seiñ da yoo ko wa da sdang boon ki bru wa kit mooyong da ki truck ki bru yong i kiwa lai cha Dawki.

Da ong u leh wa ka JHTOA man ko kam na kiwi ki seiñ kreh mon sñiawbha kawa da dep Register hapoh ka sorkar wei da sñiawphylla ko yei pynmih khibor ka JNC-WJZ kawa man leh kawi na ki seiñ kreh mon sñiawbha yeiwa pynbaad ko ya ka JHTOA ka wym em yurim iyi iyi leh wei lada em sakhiat itæ i chem chitom ki paidbah katkam wa kam ka JNC-WJZ toh u wan ki cha khmat yow yoh u yaklam wei ka seiñ leh da kdaw ko wa boon wa kit mooyong cha Dawki toh ki tre jylla wei ym em chaniah ha ki baar jylla.

Also Read: Kyntu ka JNC-WJZ ya ka JHTOA wow dam u pyrchah ya ki Truck ki baar jylla wow kit mooyong

Previous
Next

0 Comments

Leave a Reply