Jowai: Ka Sports & Youth Affairs Committee ka Lion Mission Compound Dorbar Chnong ynne ka sngi da sdang ko ya ka Lion 5 Knockout Football Tournament 2018 ha madan biar kawa mar 5 ngut chilliang.
Kani da man ko ka sien wa nyngkong wa ka Lion Mission da pynman ko ya ka Football Tournament wei ha kini ki bnai wa da lai da dep pynman ki ya ka Cricket Tournament.
Ha kani ka Lion 5 da wan chimbynta da ki 20 tylli ki dhab wei kawa rah yei naam jop u yoh ki T. 10,000 katwa ki wa rem u yoh ki T. 5000.
Ya kani ka Tournament da wan wai ya ka da u Teibor Hinge uwa da pynkynmoo ya kiwa chimbynta wa daw wan ka National Games hapoh ka jylla Meghalaya ha u snem 2022 wei kam kiwa yalehke toh u pynkhreh yow yoh u embynta lang ha kani ka yakop wa ha khlieh dooh ka ri India.
Ya ka yalehke wa nyngkong da pynman hapyrdi ka Du-I pyrchah ya ka Compatible Warriors heiwa ka Comfortable Warriors da jop ko da ka chut Tie-breaker 4-2 hadien wa ka yalehke da kut ko mar chi kool heiwa ka Compatible Warriors da thap nynkong ko ha ka minit wa 16 da ka kool na u Fivestar Talang tangwa ka Du-I da yoh ko u su kylliang ha ka minit wa 38 da ka kool na u Hamewan Rangad.
Ha ka yalehke wa bood won hapyrdi ka The Underdog pyrchah ya ka Agapeson, ka Underdog da jop ko da 1-0 da ka kool wa thap u Lasoki Suchen ha ka minit wa 32.
Discussion about this post