Shillong: I thap Vote ha ka By-election ha Ampati ynne ka sngi wow jied ya u namo kawa mihkhmat wa thymme kani ka Constituency da wan palat 90 % ki bru wa thap Vote.
Ya ini da pyntip u Chief Electoral Officer (CEO) ka jylla, u FR Kharkongor hawa yaklam u ynne ka janmiet wa ki kiwa pathai khubor ha Shillong.
U CEO da pyntip u wa katkam i yoh yutip yong oo hadooh i por 5: 45 janmiet i wan kiwa thap Vote ha Ampati Constituency da poi ko 90.42 % kawa rap duna khajiak na ka Election wa dang dep kawa da poi 90.70 % kiwa thap Vote.
U Kharkongor da pyntip u wa i thap Vote man i iwa lai bait khlem iwon iwon i jia hanlada ka yalap Election man ko kawa chit bha chwa ki sngi wow thap Vote.
Ha kani ka Election da em hadooh san tylli ki ujor na waroh arliang kitæ toh ka NPP wa ka Congress.
Da pyntip u leh wa da em du kawi donhi ka VVPAT kawa thut wei da kylliang ya ka wut wut katwa waroh kiwi ki tiar toh kiwa krehkaam khlem em iyi iyi i thut.
Ka Ampati da em ko 28,000 tam kiwa thap Vote wei ka yakhun man ko kawa chit bha hapyrdi ka kyrtong ka Congress ka Miani D Shira kawa man leh ka khon u montri rangbah wa rim ka jylla u Dr. Mukul Sangma wa u kyrtong ka NPP, u Clement Momin na ka NPP.
(Photo Courtesy of Alva Sangma)
Discussion about this post