Shillong: Ka yaleh pyrchah ha pyrdi ki paidbah wa ki pulit kawa da sdang nadooh ka janmiet 31 tarik u Naisan da pteiñ ko hadooh ynne ka sngi kawa poi hadooh 48 kynta, wei kani ka kyn-ad ym em poi ko cheiwon cheiwon leh kawa ktah joor ya ka suk ka saiñ ha nongbah Shillong.
Ynne ka sngi heipor janmiet ka yakhih da joor biang ko heiwa kiwa boon ki manbei kiwa chong wa sah ha ka thaiñ marjan wa Motphran da mih ki cha sarok wow pynsñiaw yei pyrchah neibhah wa ki pulit dang psiah biang ki chadooh ki chnong wa ki pchem yung ki bru iwa da wanrah ya ka chong syir ha ka thaiñ.
Ha i step da man ko kawa rap jai jai tangwa syndet syndet heipor chiteiñ sngi da mih i pyrchah na ki manbei neidaw wa psiah yabor ki pulit wei neini i daw da sdang chit biang ka awri.
Hadien wa yaklam ki bor district wa ki heh pulit, chipor da ye biang u pyndaitthah ya kani ka kaam hadien wa waroh arliang da kular ki wym tia ki cha khmat wei ki paidbah da neh ki ha ka thaiñ Mawkhar YMCA katwa ki pulit da neh ki ha Motphran.
Hadien wa da jai jai da wanmih leh u MLA ka North Shillong, u Adelbert Nongrum wow klam pynsñiawthooh ya ki paidbah, tangwa katwa u MLA u dang khut u ya ka yalang wow klam pynsñiawthooh ya ki paidbah kiwa da lum lang ha khmat ka yungmane Presbyterian, Mawkhar wei heini i por da wan mih sa ki khynroo wa wan yaleh exam kiwa sikai SSA kiwa haap wow lai lyngba na Motphran wei ha katai ka por ki paidbah kiwa na ka thaiñ YMCA da sdang ki wow pakhot moo kawa da pynman biang ya ki pulit wow siat ya ki tadong bom pynjhia khmat wow beh ya ki paidbah wei da siat ki leh cha ka thaw wa em u MLA da kini ki jooh ki bomb yow pynpra ya ki paidbah.
Ha ini i jia neiliang ki pulit leh da kem ki ya ki kattu katni ngu ki khynroo.
Discussion about this post