Jowai: U CEM ka JHADC u Moonlight Pariat hawa yaklam u wa kiwa pathai khubor ynne ka sngi da ong u wa em sakhiat kiwa thmu wow pyhaap ya oo kam u CEM wei yeini da leh deiwa yakrehlang ki MDC ka NPP wi MDC ka Congress.
Da pyntip u wa ya ini da jia i ha kani 16 tarik heiwa da chah chet kylla u ha kiwa jooh kyrchaan ya oo wei kini kiwa kwah u pynhiar chuki ya oo da em ki 22 ngut wei kiwa kyrchaan ya oo da em ki ha ka liang wa khian heiwa dang yoh u leh yei kyrchaan u MDC ka BJP, u Marki Mulieh.
Hawa kylli iyi i daw wa chah ieh u, u CEM da jubab u deiwa ong wa em kiwa ngait wa hei yahkhmat yong oo ym poi ka poisa naka sorkar cha ka Council tangwa da pynrap u deiwa ong wa ka poisa biang hi poi ko nadooh ka Royalty wa da pyllait ka sorkar jylla kawa mih na ki marpohkhyndaw wei ya ka tulop ki wakreh da su man u bnai da ka tulop wa thymme.
Da ong u leh wa da yaklam u wa ki heh ka UDP yow krehlang ka UDP waka NPP kamwa man ha ka sorkar jylla tangwa kattæ leh ym em sñiawtikna u wow neh ka chuki u.
Chooh chooh da ong u wa da suba wa ki MDC Congress kiwa yakrehlang waka NPP waroh daw psiah NPP noh ki.
Discussion about this post