15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da i thung dieñ pynemwarom biang ya ka World Environment Day ha Nangbah

0 Comments
Advertisement ad1

Jowai: Chibynta wow lai chakhmat hei wow leh warom ya ka sngi kyrpang ka rymaw namo wa tip leh kam ka World Environment Day hei ktien para, ka yungkrehkaam u Deputy Commissioner ka West Jaiñtia Hills chirup waka Basin Development Unit pteiñ ki ya ka dei yakob thoh essay, drawing wa i thung dieñ hajrong ka phang “Beat Plastic Pollution”.

Ya kini ki yakob da pynman ha ka 12 tarik uni u bnai ha Thomas Jones Synod Colelge, heiwa da wan chimbynta da ki khynnah skur waphær waphær ka chnong Jowai wa kynthup ya ka North Liberty, ka Govt. Boys HSS, St. Mary Mazzerelllo HSS, Seinraij HSS, Jaiñtia HSS wa kiwi kiwi.

Ha ka 19 tarik nawon da sakhi wa da pynman ki dei thung dieñ ha Queen Elizabeth School, Nangbah, kawa man ka skur yong ki khynnah wa em i duna ha ki khmat wa em ha chnong Nangbah, West Jaiñtia Hills.

Chwa u sdang i thung dieñ ha kani ka sngi da em chwa ka yalang wa pynlai da u I. Marbaniang, Additional Program Manager Basin Development, hei emlang u DM Wallang, Additional DC ka West Jaiñtia, u T. Nongtdu Ranger Officer Forest Department, U Ebormi Langchiang District Disaster Management Authority Jowai, ka Sister Superior yong ka skur ka Sister Amalee wa kiwi kiwi.

Neiliang u kongsan ha kani ka sngi, u D.M Wallang hei klam da ong u wa katwon dap u dei kmen u poi biang ha kani ka skur, wei yooluti u wa u blai u emlang u chirup wa kini ki khynnah heiwa u e u yei bor, i stat wa kynja mynsien yow nang ku ki chakhmat.

Katkam ka phang yong uni u snem da ong u, toh wow pynduna i pynemkaam Plastic neibhah man ko kawa pyntngit tam ha pyrthai. Kamtæ lyngba kam kani ka sngi u yaleh yow pynduna i tngit ha ka pyrthai yow yoh yei yirngam, ka la-ær wa khooid wa suba.

Hadien ka yalang da sam won ya ki sula cha ki khynnah skur kamjooh kiwa chimbynta waroh wei da thung kamwa 100 tylli tre ki dieñ sayong ha pchem yong kani ka skur.

Advertisement ad1

0 Comments

Leave a Reply