Jowai: Ynne ka sngi ka Asian Development Bank (ADB) waka PWD (Building), Jowai Division deilang waka Education Department ka sorkar jylla da ekti ki ya ka yung skur wa dang dep chna yong ka Khad-ar-Nor Secondary School, Shangpung cha ka School Managing Committee (SMC) kawa da chna da ka poisa wa e ka ADB hei emlang ki sahep ka PWD, ADB, ki dkhot ka SMC, kiwa sikai kani ka skur wa kiwi kiwi.
Neiliang ka SMC da pynsñiaw ko yei kmen wa i sñiawngooh ya u Executive Engineer, u R. Sutnga wa smat u wow chna ya kani ka yung skur ha i por wa da booh deiwa yakrehlang waka tnat Education Department kamjooh ya ki Engineer wa nachwa yong ka PWD (Building) Division.
Kamtæ neiliang ka SMC da pyn-eh bok eh nasib ko ya waroh kini ki tnat sorkar wow pteiñ ki wow chakri rap bha chooh chooh liang wanang yow pynku ya ka puræ puthi hapoh ka District kamjooh leh hapoh ka jylla.
Ini toh katkam wa pyntip u T.S. Phyllei u Chairman ka SMC Khad-ar-Nor Secondary School, Shangpung.
Discussion about this post