15 49.0138 8.38624 1 0 4000 1 https://wyrta.com 300 0
Advertisement ad1

Sñiawkhia ka AJYWO wa oor i yung kawi ka men ha Kuliang du neidaw wa kreh habra ka GRIL

0 Comments
Advertisement ad1
Advertisement ad1
Advertisement ad1

Jowai: Ka AJYWO – Central Body da beiñ joor ko yei lehbeiñ ka GR Infra Project Ltd. ya kawi ka men wa tip kam ka Long Shadap, naka chnong Kuliang, East Jaiñtia Hills heiwa kani ka Company da ah ko yei khyndaw najan i yung yong kani ka bru khlem pyrkhat de ya kiwa dooh wa duk kamjooh leh yei mynsien yong ki, hadooh wa i yung kani ka bru da pra i, ha ka 14 tarik uni u bnai du nei leh habra kani ka company.

“Man i iwa piah u dohnood wow tip wa ka men Long Shadap pait hi-eh ko da ki khmat wa joo umkhmat kthang neibynta i yung yong ka heipor wa dang neh synjor i na ini i ah khyndaw khlem pyrkhat kani ka Company ha u sarokbah NH 6,” da ong u President ka seiñ, u MH Dkhar.

Ka GR Infra Project Ltd toh ka company kawa da chim wow kreh pynheh ya u sarok NH6 nadooh Soomer, West Jaiñtia HIlls hadooh Malidor, East Jaiñtia Hills.

Ka seiñ da ong ko wa ki bor district yong ki ar tylli ki District da dep pait ki boonsien ya ki thaw wa ki yung wa ye u chah ktah ha i pynheh ya u sarok NH6 tangwa tip neiyi i daw wa ki bor ka East Jaiñtia Hills hajrong wa da yoo ki yei ma wa ye u chah ktah i yung kani ka men tangwa ym em pyrkhat ki ya ka bai lutsan wa ye u mih neini wei katni ini i yung da oor i wei embhah wa ym em wa mynsoo heipor wa jia ini.

Kamtæ ka seiñ da dawa ko na ka Company wa ki bor District wow kitkhlieh ki yeini deiwa e yarap smat ya kani ka men ha i rukom wa biang katkam wa doohnong ko.

Ka seiñ da dawa ko leh na ki bor District yong ka East Jaintia Hills wow chimkhia hajrong ini khamtam ya kitu ki manyung kiwa ye u chah ktah ha ini i pynheh sarok.

Da dawa ko leh na kani ka Company wa ymtoh u kreh habra ko heipor wa chna ya u sarokbah NH6 deiwa pait leh yei chong chngaaiñ ki paidbah khamtam ha ki bynta wa man chnong namo ki Residential Area khnang wow kiar na iwon iwon i jia hadien.

Ka seiñ da ong ko leh wa daw lai ko chadooh ka Ministry of Road Transport and Highways wow dawa yei hok kani ka men.

 

Advertisement ad1

0 Comments

Leave a Reply