Pynche ka sorkar Meghalaya wa smat ko u wan cha khmat yow wanrah yei suk wa ki dkhot ki Militant Group

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Jowai : Katkam ka khubor wa da pyllait naka sorkar da ong ko wa da wai ko ya ki luti yaklam yow wanrah yei suk ymdu waka HNLC næ ka GNLA hynrei ya waroh ki Militant Groups lada sdang ki u kiar na ki kam pynwit pynthut i chong suk chong sain ki paidbah.

Da ong leh wa kini ki sein toh u pynyoo ki yei daw wa kwah ki yei suk deiwa dam noh u khut ya ki pynkhang chnong kam ha ki sngi wa khroo yong ka ri, pyndooh noh yei rah yabor ya ki bru, i pynyap bru, khrong poisa yabor wa kiwi kiwi.

Da ong wa kini ki kyndon toh ki wa emkaam u bood ki yow ye u sdang ya i klam ya suk lada sdang da ka sorkar jylla kamjooh leh da ka sorkar pyrdi.

Lada ye ki dkhot ki Militant Groups u leh ya kini ki kyndon ka sorkar leh u smat ko u jied ya ki bru wow klam neibynta ki Militant Group yow wanrah yei suk hapoh ka jylla Meghalaya.