Pyrchah ka LHS yei wan luchia kiwa na baar yei kaam wa yatoh wa ka Themiemawlong

Shillong: Ka Lympung Ki Hynriew Shnong (LHS) kiwa kynthup ya ka chnong Wahingdoh, Jaiaw, Mission, Mawkhar, Umsohsun, Wahthapbru, Riatsamthiah da e yumut ki ya ka sorkar wa toh u chna ya ki laad ki luti khlem iwon iwon i tieñ næ chah chiliang wow kyrriah noh ya ki Kharmator na Them Iewmawlong.

Kiwa kitkaam ka LHS da yachem ki ya u Symbood Montri Rangbah, u Prestone Tynsong uwa man leh u Chairman ka HLC wow kyntu ya oo hajrong kani ka kaam ha kamra krehkaam yong oo.

U Rangbah Shnong ka Mission u GS Basan da ong u wa da e yumut ya ka sorkar wa emkaam ko wow pyndep smat ya kani ka kaam wow kyrriah noh ya ki Kharmator na kani ka thaw wa katni.

Da ong u wa ka HLC toh u lai ko chaphrang khlem iwon iwon i pyrkhat deiwi tawon hajrong ini.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ka Lympung da pynsñiaw ko leh yei pyrchah yei wan ki bru na baar wow luchia yei kaam ki Kharmator deiwa dawa wa ka sorkar ymtoh u chah ko ya ki neibhah wa yah bakla cha baar ka jylla yei man i long hapoh jylla.

“Kani toh ka kaam ka sorkar sorkar jylla, wei emkaam wow elaad ya ka wow pynbait ya kani ka kaam,” da ong u Basan.

Da pyntip u wa neiliang kani ka lympung da thoh ki leh cha u Deputy Commissioner wa toh u khang yei wan kiwa na baar cha kani ka thaw, neibhah wa i wan kini kiwa na baar cha ka Them Iemawlong sam pynchrai ko ya ki khynroo.

“Da pynsñiaw i ha u DC wa ymtoh u chah wow lai e tiar yarap ki cha ka Them Iewmawlong hawa dang krehkaam ka kyndon 144 CrPC,” da ong u Basan.