Chah tynyap u khynnah wa dang 9 snem na Umjalasiaw ha u kong yong oo

Jowai: U SP ka WJH da pyntip u wa ha i janmiet ka 26 tarik uni u bnai uwi u khynnah wa dang 9 snem uwa chong wa sah ha chnong Umjalasiaw da chah rahbor u ha u kong (kurim ka payu) yong oo uwa tip kam Shiningstar Pala, uwa 19 snem wei toh uwa sah ha Wahiajer wei ya kani ka kaam da ujor ha Saitsama OP ha ka sngi wa bood ka 27 tarik i step.

Ya uni u khynnah da kit ya oo chei liang Karbi Anglong, Assam wei ki pulit da kem ki ya u Shiningstar deilang wa uwi uwa yah kari kamai uwa tip kam u Pynchemi Phawa uwa 25 snem naka chnong Wahiajer ha ka 27 tarik.

Ynne ka sngi u Shiningstar Pala da yah u ya ki pulit wei da chem ya i metyap yong uni u khynnah wa chah rah na i chnong Laher wa em ha West Karbi Anglong.

Ki pulit da yoh ki leh ya ka tari wa pynemkaam wow tynyap ya uni u khynnah wei da kem leh sa ya kawi ka kari wa pynemkaam u Shiningstar.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

U SP da pyntip u leh wa u Shiningstar Pala toh uwa da dep kem ki pulit da boonsien wei yeini i tynyap ya uni u khynnah da leh wa em daw u ya ka payu uni u khynnah kawa man leh ka kurim warim yong oo.