Jowai: Ynne ka sngi kawa man chibynta yong ka lehniam Behdieñkhlam ka Raij Jowai, da man ko kawa yoosarom ya ka Raij waroh heiwa manda poi ha Iawmusiang da yoh u sakhi yei jhep wa lang ha tymbud u sarok wa ha i laad wow psiah chapoh yaaw wa kiwi kiwi.
Ha kani ka sngi ki ka Niamtre da wanrah ki ya ki Dieñkhlam cha Iawmusiang wei ki kynthai da wan ki wow paitke yei wanrah ya ki Dieñkhlam tangwa da pdiang ya ki da ki jhep wa lang wa sma iwa da pynblaad ya i mynsien ka-it Behdieñkhlam kiwa boon.
Chooh chooh i ieh ya ini i jhep da pynsarom ko ya kiwa boon neibhah wa ha kam kini ki por boon kiwa wan uiñke suwari na kylleiñ ki ri ka pyrthai wan sakhi ki ya ka Behdieñkhlam deiwa wan chondur wei wow riñdur (video) wei chirup wa ki da rah ki yeini i jhep ha ki dur wa ki video wa riñ ki.
Kam wow pynkynmoo heini ha ka 25 Kmaichonglad 2017 kawa man ka sngi wa khooid wa kyntang ya kiwa ngait ya ka niam Christan neibhah wa man ko ka sngi Christmas da ieh yei jhep kamjooh iwa da pynbor ya u CEM warim ka JHADC, u Moonlight Pariat wa kiwi kiwi wow khat ya ini i jhep chwa wow lai uiñ Carol ki paidbah.
Hawa kamni wa man ynne ka sngi, ka Behdieñkhlam wa man leh kam ka State Festival, neiyi i daw wa ym-em chimkhia ki heh sorkar wa ki heh ka JMB ym em chimkhia ki wow pyntikna wa kani ka lehniam u man ko kawa khooid kawa yoosuk.
Also Read: Chimkhia u kyrtong MLA wow pynkhooid yei jhep ha Iawmusiang neibynta ka lai chaad Carol
Discussion about this post