15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynpoi ya ki Dieñkhlam wa ka Khnong Blai ha Iawmusiang

0 Comments
Advertisement ad1
Advertisement ad1

Jowai: Ynne ka Mulong ka chi tarik yong ka lehniam Behdieñkhlam hadien wa ki waheh wasian chirup wa ki khon ka Raij da pyndep ya ka Kñia Aitnar waroh ki Kmai Raij da mih wow lai lithooh ki ya ki Dieñkhlam wei wow pynpoi ya ki Dieñkhlam ha Iawmusiang.

Chirup wa ki sur wa mih naki bom ki bhuri, bikur wa ki chæng-chæng ki khynnah wa waheh da mih ki na jar jiar ki yung da i chaad wa i kyriaw yow lai lithooh ya ki Dieñkhlam.

Manda poi ha i thaw wa chong ki Dieñkhlam da pyndep ya ka suit ka choor wow engooh ya ki Blai wow paan yei kyrkhu kyrdoh hachwa wow rah ya ki Dieñkhlam cha Jowai.

Manda dep baamja sngi wei da pyndep u pteiñ ya ki Dieñkhlam da rah ya ki cha Iawmusiang da jar jiar ki chnong wa kynthup ya ka Tpeppale, Dulong, Panaliar, Loomiongkjam, Iongpiah, Loomkyrwiang katwa ka Chilliangraij (Khonraij) da rah ki ya ka Khnong Blai.

Hadien wa da poi lut ki Dieñkhlam ha Iawmusiang ki Khonraij da lai thooh ki ya ka Khnong Blai ya kawa da pynchong chipor ha Poh Sawiar (hajan ka yung krehkaam u DC, WJH) wei da rah ya ka cha Loom Sooiung (Hajan Marian Hills HSS).

Hadien ini ki Kmai Raij da liwan ki chirup na kawi ka luti cha ki dong ki chnat yong ki.

Share this:
Previous

Khlaad ar ngut ha ki ar thaw wa tyrrah kari ha EJH

Next

Hadien ka Christmas sa ha ka Behdieñkhlam ieh ka JMB yei jhep ha Iawmusiang