Ratacherra: Kam ka khubor wa da ioh la 13 kynta sahkut kari ha ka chnong Ampakathing wa em ha ka thain Ratacherra ha East Jaintia Hills na kadaw wa jur palat u slap haduh wada ur ki khyndaw na ki lum haduh wa ym leit de ki kari u lai.
Ki bos night super, ki truk, ki sumo wa kiwi ki kari wa mut u psiah wa u mih na East Jaintia Hills da sah kut ki.
Da pynemkam da ka JCB u pynkhooid ia ini i ur khyndaw nadoh 5 waje i step haduh 4 waje i janmiet. Ini i ur khyndaw deilang wa ki moo waheh waheh da jia ha ki ha ar tylli ki thaw ha Ampakathing.
Kam ka jingtip haduh wa pynmih ia kani ki khubor ym em wa mynsoo ha ini i jingjia.
Kam wa u pynknymoo wa ka tnat Meteorological kawa peit ia i jinglong ka suin bnein da pynbna ko wa daw jur bha u slap naduh ka 18 tarik u August haduh ka 21 tarik u August. Hei iatoh wa kani u Deputy Commissioner iong ka West Jaintia Hills district da pynbna paidbah u wa da booh iaka Control Room ha ka kamra No. 144 (third floor) ha ka office iong Oo; kawa kreh kam 24 kynta wa ki number phone: 03652-220993, 03552-223854, 03652-223273, 9774124321, 9856233205, bad 9774010557. Ye phi u phone lada em kiwon kiwon i jingia na i wa jur slap wa emka iarap phi na ka sorkar.
Discussion about this post