Jowai: Ka Jaiñtia Students Movement (JSM) ha ka 2 tarik uni u bnai da pynman ko yaka General Meeting hapoh ka yungkrehkaam ka seiñbei wa em ha Khliehmyntriang heiwa ha kani ka yalang ka JSM da yoh ko wow yatai chiboon ki phang yaklam hajrong i sahdien ka ri-loom Jaiñtia.
Ha chwa wow yaklam wei wow phyllu yumut ya ki thong ka seiñbei da yoh ko wow pynskem pura ya kiwa kitkaam ka JSM Eastern Region neibhah i por krehkaam ka Adhoc Committee JSM Eastern Region da kut ko 6 bnai kamwa da booh ka kyndon krehkaam ka seiñbei.
Kiwa kitkaam wa pura ka JSM Eastern Region kynthup ya u President Shnalad Rymbai, u Vice President Justming Chyrmang, General Secretary u Manorch S. W. Dkhar, u Education Secretary Pynhundame Nongtdu, u Asst. Education Secretary Sumehi Dkhar, u Organizing Secretary Jngailang Salahe, u Sports Secretary Kampher Salahe, u Financial Secretary Hepwing Chyrmang, u Publicity Secretary Kyrshan Dkhar, U Information Secretary Worning Kyndait.
Ki Executive Member kynthup ki ya u Poibiring Lyngdoh, u Pherleki Pakem, u Hejo Lyngdoh, u Shining Lyngdoh, u Youwansuk Rymbai wa u Edmon Suja.
Hadein wa pynskem ya ka Eastern Region da pteiñ biang ya ka yalang wei da da chim ya ki thong wow krehkaam ka seiñ kiwa man kamni ha wah:
- Ka seiñ yieñ ko ha kajooh ka yurim wow pteiñ hajrong ka dawa College sorkar hapoh East Jaiñtia Hills.
- Wow dawa pynku kyrdan noh yaka Laskein Block cha ka Laskein Civil Sub-division
- Wow dawa Police Outpost ha thain Block – I (Katkasla-Psiar), Bataw – Lakadong wa ha Huroi – Hingkaria.
Discussion about this post