15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Dawa u MLA ka Jirang Constituency wow e Civil Sub Division ya ka Western Ri-Bhoi

0 Comments

Shillong: Ka National People’s Party (NPP) kawa yahkhmat ya ka sorkar synrop Meghalaya Democratic Alliance (MDA) ha ka jylla, da chem chitom ko wow pynhun ya i dawa yong ki MLA wa ki seiñ waphær waphær wow pynku kyrdan noh ya ki Administrative Unit cha ki Civil Sub-division ha kiwa boon ki bynta ka jylla.

Ynne ka sngi, neiliang u MLA ka NPP na Jirang Constituency, u Sostheness Sohtun da dawa noh u da ka Civil Sub Division ya ka Western Ri-Bhoi kawa haap hapoh ka Jirang Constituency, Ri-Bhoi district. Ya kani ka dawa, u MLA da booh u hakhmat u symbood Montri Rangbah ka jylla, u Prestone Tynsong.

Hawa yaklam wa kiwa pathai khubor, u Sohtun da ong u wa i yachem wa u montri da ekti ya ka dorkhat wow dawa pynku kyrdan noh ya ka Patharkhmah Administrative Unit cha ka Civil Sub-Division.

Katkam i ong u MLA, kani toh ka sien wa nyngkong wa da booh ya kani ka dawa da i thoh wow dawa ya ka Civil Sub-Division. Da pyntip u leh wa ya ka Patharkhmah Administrative Unit kawa katni toh kawa 23 wei da toh por wow pynku kyrdan noh cha ka Civil Sub-Division.

Da ong u wa lada yoh noh ya ka Sub Division, daw yarap ko chiboon ya kiwa chong chnong ka thaiñ khamtam ya kiwa sah ha ki thaiñ khappood wa ka Assam, wei da pynrap u deiwa ong wa ka Westen Ri-bhoi da em hok ko wow yoh ya ka Civil Sub Division neibhah kiwa chong chnong da poi ko kamwa 50,000 duna.

Da pyntip u leh wa neiliang u Prestone ym em e u kawon ka kular hajrong kani ka kaam tangwa daw chong bichaar bniah chwa ka sorkar.

Ha kani ka sngi da synraan lang ya u MLA da u MLA warim ka Umroi, u Ngaitlang Dhar wa kiwa yahkhamat ki seiñ waphær waphær ka Western Ri-Bhoi.

Kam wow pynkynmoo wa hadien wa ka sorkar MDA da pynbna ki wow pynku kyrdan noh ya ka Ranikor deiwa e ya ka Civil Sub-Division, wei hadien ini i pynbna yong ka sorkar kiwa boon ki MLA da khih khohreh lang wow dawa ya kani ka jooh ha ki thaw yong ki, wa kynthup ya u MLA ka Mawlai, u Process T Sawkmie wa u MLA ka Mawsynram, u Himalaya M Shangpliang kiwa man ki MLA ka Congress.

Share this:
Previous

Thung ka JSM ya kiwa kitkaam yong ka deiwa phyllu ya ki thong krehkaam yong ka

Next

Da wai ya ka website wow pynsuk ya ki khynnah wa lai class IX wa X