Jowai: Ka State Co-ordination Committee of Coal Owners, Miners and Dealers Forum ynne da yachem ko ya u montri rangbah ka jylla, u Conrad K. Sangma ha kamra krehkaam yong oo wow kyntu ya oo wow leh yeiwa emkaam heiyatoh wa i chah khang mooyong.
Ka seiñ da e ko leh ya ka dorkhat wow pynyait namo wow pyndam yei pynkrehlaam ki aiñ tih mar pohkhyndaw na ki thaw wa hapoh ka Autonomous Region katkam ka Para 12 (A), (b) yong ka Sixth Schedule ka riti synchaar ka ri heiwa da kyntu wow pyndep noh ya ki kyndon wa ki aiñ tih mooyong.
Neiliang u Conrad da pyntip u cha ka seiñ wa da yaklam u wa ka Ministry of Coal, wei i yaklam man i iwa da lai bait wei u montri ka sorkar pyrdi da man u uwa bien wow pynsmat yei kaam neiliang ka sorkar pyrdi.
Da kular u leh wa i kaam tih mooyong man ko kawa kongsan tam tangwa emkaam leh wow burom ya ka rymaw, u yada ya kiwa tih mooyong, wa kiwi kiwi.
Da pyntip u leh wa ka sorkar ha kini ki le bnai wa dadep da yachem ko dei langær ya ki heh na ka Ministry of Coal heiyatoh wa kani ka kaam heiwa da ong u wa ka sorkar leh chimkhia bha ko wow yada ya ka rymaw, ka khayi pateiñ, wa kiwi kiwi khnang wow ye biang u wai ya u mooyong hapoh ka jylla Meghalaya.
Discussion about this post