theme-sticky-logo-alt
theme-logo-alt
Advertisement ad1

Dawa ka JAC ki arseiñ wow booh sa kawi ka C&RD Block wa ka College sorkar ha EJH

Jowai: Ka Joint Action Committee yong ki ar tylli ki seiñ na East Jaiñtia Hills wa kynthup ya ka EJNC waka HANM ynne ka sngi da li booh dorkhat ki ha u montri rangbah ka jylla u Conrad K Sangma heiyatoh wa ki kaam pynroi hapoh ka East Jaiñtia Hills District.

Ki ar seiñ da dawa ki wow pynkha sa kawi ka C&RD Block hapoh ka District neidaw waka Wapung C&RD Block em ko boon ki chnong wa haap hapoh yong ka tangwa katni kani ka Block dang krehkaam ko na Khliehriat wei ki chnong kam ka Kwator jngai ki 50 Km na Khliehriat, ka chnong Ratacherra won 80 Km wei kini ki chnong daw jngai chooh chooh ki lada booh ya kani ka C&RD Block ha Wapung.

Lada ya kani ka Block won u booh ya ka ha Lumshnong, ki chnong kam ka Tuber, Cham Cham daw haap lai ki 50-60 Km wei lada pynmih sa kawi ka C&RD Block daw pynsuk ko chiboon ya ki paidbah.

Ki ar seiñ da dawa ki leh wow pynku kyrdan ya ka Khliehriat CHC cha ka Civil Hospital neibhah kam ka Headquarter ka District em hok ko wow yoh ya ka thaw sumaar wa biang wei ka CHC man ko kawa ym biang wow e ya i chakri cha ki paidbah kamtæ ki paidbah da haap ki wow lai cha Jowai wa cha Shillong iwa ktah bha ya kiwa dooh wa duk.

Da dawa leh wow sdang ya ka Government College ym toh da ka Community College neibhah ki artylli ki College wa em hapoh ka District kiwa man yong ki bru samen ymye ki wow pdiang ya waroh kiwa lai puræ kiwa dang boon katwa dang lai ki snem.

Ki arseiñ leh da ong ki wa hapoh ka District ki kaam pyrchah aiñ man ki kiwa boon hadooh kattæ kattæ wei ki Executive Magistrate kreh ki leh kamjooh kam ki Judicial Magistrate iwa da pynkhia kaam ya ki, kamjooh slem wow bichaar ya ki mukotduma kamtæ kamwa man ha West Jaiñtia Hills wa kiwi ki District da emkaam leh ya ka yungbichaar wa paka kam ki District & Session Court, u Chief Judicial Magistrate wa Judicial Magistrate First Class hapoh ka District wei ki yungkrehkaam neibynta kini toh kiwa da em chwa tang ymem pynemkaam ya ki wei da su du ka bai yungwai nadooh u Naitung (April) 2017.

 

Advertisement ad1
Share this:
Previous

Ieh noh u MDC ka Musniang-Rngad ya ka party Congress

Next

Kular u Conrad ha ka seiñ kiwa khih mooyong wow chimkhia wow wai biang ya i khih mooyong