Jowai : Katkam ka khubor wa da e u Chairman ka Jaintia National Council (JNC) u Sambormi Lyngdoh da ong u “hadien wa chah pynngad kyndon aiñ wa thmu tynyap (attemp to murder) u J.L Mawdoh uwa man u nongyah yong ka kari kamai ka Mahindra Maxx kawa yatyngkhooh wa ka kari u Montri Rangbah ka jylla u Dr Mukul Sangma ka seiñ da mih chakhmat wow pynrem joor ya katai ka rukom noh chiliang ka aiñ ya kiwa khian wei yap ko hakhmat ki heh ki haiñ”.
Ka seiñ da pynrem ko leh ya ka tnat pulit næ ki bor aiñ wym leh ko iwon iwon ya ya kiwa emkti dat ya ki khynnah puræ ka Kiang Nangbah Govt College khamtam ya kiwa sap Uniform weiwa ym leh ki iwon iwon pyrchah ya u Ma M.B. Rymbai CEM Warim ka JHADC heiwa da kynnoh wa da baamtooh u T. 1 klur.
Ka seiñ da pynsniaw ko leh yeiwa slem ka sorkar u pynmih paidbah yei takit hajrong iwa da jia ha Mookhep heiwa da yap ar ngut tangwa kibor ka aiñ ha kani ka kynti da pynngad aiñ tynyap bru (Murder) ya uwa yah ya ka Mahindra Maxx.
“Lada ka aiñ man ko salonsar ya waroh, kyntu i yaka tnat pulit wow pyndam noh yei pynngad aiñ tynyap bru ya u Bah J.L Mawdoh weiwow takit deimiat wei deiwa sakhiat yeini waroh” da ong u Sambormi.
Discussion about this post