Jowai : Katkam ka khubor wa da pyllait da u President Ka AJYWO Central Body u ma MH Dkhar da pynap yei wym thung de ka sorkar jylla ya ka chuki ADC wa EAC, wa sah thylli ha East Jaiñtia Hills District iwa da pynthut yei rukom krehkaam hapoh district ha waroh kawi.
Kamwow pynkynmoo ka sorkar da transfer ko ya u ma NAK Syiem, MCS uwa man kam u ADC wa u bah G Warjri, MCS, uwa man kam u EAC yong katai ka District kamjooh leh kam u Block Development Officer yong ka Saipung C & RD Block.
“Katkam wa man katni, ya ka Judiciary ympu ye u wanrah ha EJHD, kamtæ nadooh ki kaam chong suk chong saiñ (Law & Order) weiwow lai bait i synchaar (Administration) kamjooh leh yei kaam bichaar (cases and court matters) da haap pait bait da ki jooh ki sahep (officer) ha kani ka district, kamtæ da wanrah i yei thut ha i rukom krehkaam ha ka District” da ong u M H Dkhar.
Ka seiñ da dawa joor ko na ka sorkar jylla wow emkaam u thung ya ki sahep ha kini ki kyrdan (post) hapoh district neibynta i bha i miat ka district wa ka jylla waroh kawi.
Discussion about this post