Shillong: U Montri Rangbah ka jylla uwa man leh u National President ka NPP u Conrad K Sangma da ong u wa ka NPP ym kwah ko wow luchia ya ki kaam pohyung ka PDF tangwa heijooh i por, da ong u wa smat u wow yaklam wow pynbait yei snñiaw yaphær wa yatoh wa ka sorkar.
Hawa yaklam wa kiwa pathai khubor ynne ka sngi, u Conrad da ong u wa ka sorkar MDA man ko kawa kut yumut wow yakrehlang wa waroh ki MLA ka liang synchaar kynthup ya ka PDF neibynta ki paidbah.
Yeini da ong u Conrad hawa jubab yeiwa maham u heh ka PDF, u Pynshngain N Syiem wow dam noh u kyrchaan ya ka sorkar MDA lada chah pynhiar chuki u kam u CEM ka KHADC.
U Conrad da ong u wa ka sorkar daw lai ko chakhmat wow pynkrehkaam ya ki rukom krehkaam namo ki policy neibynta wow myntoi ki paidbah wei i kam ka PDF wow dam ko u kyrchaan ya ka sorkar ym em sakhiat i.
Da ong u wa i kaam ha District Council ym yatoh i iyi iyi leh wa ka sorkar kamwa da jia ha JHADC heiwa ka UDP kawa yahkhmat ya ka Executive Committee da chah pynhaap ko ha ka NPP katwa ha ka sorkar jylla won dang emlang ko.
Discussion about this post