Jowai: Uwa kitkaam ka PDF uwa man leh u montri sorkar, u Banteidor Lyngdoh da kyntait u wow dam noh u kyrchaan ya ka sorkar MDA wa yahkhmat da ka NPP kamwa da maham da u khlieh dooh ka PDF, u Pynshngain N Syiem.
Hawa yaklam wa kiwa pathai khubor ynne ka sngi da ong u wa ka PDF ym dam ko u kyrchaan ya ka sorkar MDA kamwa da maham da u Pynshngain. Da kam u wa i klam yong u Pynshngain wa ka PDF u dam noh ko u kyrchaan ya ka sorkar MDA dadep pynbait yeini hapoh ka party.
Da ong u wa ki MLA ka PDF da chong yalang ki ynnin ka sngi hajrong ini wei iyi iyi iwa da mih ha ki laad pathai khubor dadep pynbait ki ki.
Ynnin ka sngi, u Pynshngain uwa man leh uwa yahkhmat ya ka PDF da pynbaad u wa ka NPP pyrchang ko wow pynhiar chuki ya oo wei da maham u leh wow dam noh u kyrchaan ya ka ka sorkar MDA wa yahkhmat da ka NPP.
Ka PDF em ko soo ngut ki MLA ha kani ka sorkar MDA wei lada dam ko u kyrchaan ya ka sorkar, ka sorkar u neh hi ko neibhah wa dang yoh ko i kyrchaan na ki 34 ngut ki MLA.
Discussion about this post