Heithaw wow kyrchaan ya ka sorkar wow kyrriah ya ki Kharmator, u PN Syiem won maham u ya ka sorkar: Latiplang Kharkongor

Shillong: U MDC ka Nongthymmai, u Latiplang Kharkongor uwa da mih noh na ka PDA ha KHADC ynne ka sngi da ong u wa i mih noh u kyrchaan ya ka PDA hapoh i yahkhmat u PN Syiem toh neidaw wa u CEM uwa man leh u Chairman ka People’s Democratic Front (PDF) toh uwa kwah myntoi samen, da leh lut u ya waroh ki kaam deiwa pynman ya ka KHADC kam ka yong oo.

Da ong u, “I maham u PN Syiem wow dam u kyrchaan na ka sorkar MDA, kawa ka PDF em ko ar ngut ki montri toh wa kwah myntoi samen u”.

U Latiplang da ong u wa waroh chi kattu ym em u leh katwa em ya ki Kharmator, tangwa hawa kani ka sorkar wa katni kawa dang thymme kawa em i thmu wow kyrriah noh ya ki na Them Iewmawlong, u Pynshngain da maham pathan u wow dam u kyrchaan heithaw wow yakrehlang wa ka hajrong kani ka kaam.

“Ki kaam wa toh u leh kani ka sorkar dang boon i, tangwa da maham won u wow dam u kyrchaan ya ka sorkar du neibynta i myntoi samen,” da ong u Latiplang.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u leh hawa ki bru yong i em ki ha ka sorkar wow kreh, oo nawon maham hi-eh u wow dam u kyrchaan du wow myntoi samen wei ini i leh yong oo (Pynshngain) mut u wow pyndooh mynsien ya ki montri yong i wow leh yei kaam ha ka sorkar.

Chooh chooh da ong u wa ini i rai yong oo wow dam u kyrchaan ya ka sorkar toh i rai samen u Pynshngain wei ymtoh i rai ka party.