Ieh noh u Adelbert kam u Working President wa u dkhot ka CEC ka KHNAM

Shillong: U MLA ka North Shillong uwa man leh u MDC ka Jaiaw, u Adelbert Nongrum ynnin ka sngi da phah u ya ka chithi iehnoh kaam kam u Working President ka Party wei kamjooh kam u dkhot ha ka Central Executive Committee ka Party cha u President, u Pyndapborthiaw Saibon.

I iehnoh kaam kam u Working President wa kam u CEC Member yong ka KHNAM toh nei yoohroit yong ka CEC ya ka sur yong u paidbah kiwa da kyrchaan ya oo wow man kam u MDC wa MLA yong ka KHNAM da ki kattu katni ngut ki dkhot yong ka CEC kiwa da pynbna paidbah ha ki kotkhubor yei rai ticket MDC ya ka Mawkhar-Pynthor wa Jaiaw- Mawprem MDC Constituency khlem da sniaw lang ya i sur yong ki paidbah uwa kyrchan ya oo ha kini ki ar tylli ki Constituency.

Katkam ka chithi wa da phah da u Adelbert da pynsniaw, “Nga ym tip O na kiyi ki daw wa ka CEC yong ka KHNAM da rai jhan ko ha kani ka por heiwa nga ym emlang O hawa pynman yalang haka 26-06-2018, wei nga sniawsih wei ym ye u pdiang ya kani ka rai neibhah nga uwa yaleh Election wa jied da ki paidbah nga hap O wow sniaw yei sur yong ki paidbah kiwa jied ya nga.”

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Katkam ka chithi da ong, “Khnang wow ya che kdar, da kani ka chithi nga u mih noh O kam u Working President wa u CEC member, tangwa nga dang man hi O u dkhot wa pura ka seiñ KHNAM tangwa ym em bynta chooh ha kiwon kiwon ki rai yong ka CEC KHNAM neini cha khmat.”