Da kynmoo warom ya ka lyngkhooh sngi yap wa 183 u Tirot Sing Syiem

Shillong: Ynne ka sngi da phah ya ka khubor wa che kdar cha ka sorkar jylla wow dam noh ko u yachah chiliang hawa thung kreh ko, wei yeini da leh ha ka 

yalang lehwarom yei dap 183 snem wa yap u Tirot Sing Syiem, uwa da yaleh pyrchah ya ki pharæng heiwa da wan sakhi da ki heh ka Khasi Students’ Union (KSU) wa ka Federation of Khasi Jaintia and Garo People (FKJGP) wei da lehwarom leh ya u mot uni u khlawait wa em ha Madan Iewrynghep (Firebrigade), Shillong.

Ha kani ka sngi u montri ka tnat pynroi sor, u Hamletson Dohling uwa man leh kam u General Secretary warim ka KSU, da emlang u chirup wa ki president warim ka seiñ, u Samuel Jyrwa wa u Daniel Khyriem.

U President ka KSU, u Lambokstar Marngar hawa e i klam ha kani ka sngi da kyntu u ya ka sorkar wow wanrah yei khooid ha i thung kreh khamtam wa da pynman da ka Meghalaya Public Service Commission (MPSC) deiwa pyndam noh yei leh chiliang.

Related posts

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Daw pynman ya ka Lympung wa 29 ka Seiñ Kyntu Seiñ Raij 12 Daloi ha Seiñ Raij Nongtalang

January 15, 2026

Da kular u leh wow yaleh pyrchah ya i wan psiah ki baar ri wa ki baar jylla chapoh ka jylla deiwa ong wa lada ka sorkar suki hi-eh ko, ka seiñ ym yohsa de daw thooh noh ko da kiwi ki laad yakhih. 

Ka KSU man ko kawi na ki 13 seiñ kiwa dawa wow pynkrehkaam noh ya ka Inner Line Permit (ILP) yow pait u sylli yei psiah i mih ki baar jylla. 

Ha chwa ini neiliang u organizing secretary ka FKJGP, u Marbud Dkhar da beiñ u ya ka sorkar wa ymye ware ko u burom ya ki kaam wa da leh u Tirot Sing Syiem.