Jowai: Ynne ka sngi Mulong yong ka Behdieñkhlam ka Raij Tuber ki paaid na Phangneiñ da hiar pynchongchit ki cha ki paaid ka Phangwah ryngkat ka yakylliang klong hapyrdi ki arliang.
Ha kani ka sngi ki Phangnein da lai pynchongchit ki hadooh 18 tylli ki yung yong kiwa Kham (Sdiah) wa ksoh naar kiwa kob niam, hachwa u kut neiliang ki paid ka Hiarwah kam ka dak wow yakhlaad ha kani ka sngi, da em ka yachaad ha Khimsoolad iwa man i thaw pynyachem rong ha Tuber Kmaichnong.
Mynstep ka sngi Musiang, daw em ka lehniam Rahbhang heiwa ki Phangneiñ daw li rah ki na Khliehriat, EJH hadooh Tuber Kmaichnong, katwa ki Phangwah won daw li rah ki na Rymbai Tuber Kmaichnong.
Pyn mynstep ka sngi ki khon ka Raij waroh kawi daw pyndep ki ya ka lehniam Choh Thyndai wei hachwa u pynpoi ki ya ki rong ki rup yong ki chadooh Aitnar Tuber Kmaichnong.
Discussion about this post