Shillong: Ynnin i janmiet, ki pulit ka nongbah Shillong da khyrrup ki ya i drugs wa kamwa 12.5 gram na ka thaaiñ Lower Mawprem heiwa da kem leh ya uwi u bru uwa suba wa emkti wow leh ya kani ka kaam.
Ka dhab ki pulit ka Anti Narcotic Task Force (ANTF) wa yahkhmat da u SP (City) u SA Rynjah heipor 8:30 i miet ka 24 tarik da kyrrup ki ya u drugs hadien wa da yoh yutip wa tikna wa em u bru uwa thmu wow pynlai yaaw ya ini i mar dih pynmuaid.
Hawa sylli bniah da chem wa man i i heroin wei ki pulit da khyrrup ki leh ya ka poisa na oo, ki thyrnia, wa kamwa 10 dabi ki tin golden wa da thap ya i drugs.
Hawa yaklam wa u Superintendent of Police (SP) ka East Khasi Hills, u Davis N R Marak da ong u wa ki pulit da kreh chitom ki nadooh wa sdang yong u snem.
U Davis da ong u wa haap paitsiar bha ki, wei hanlada da sdang chem ya kiwa khayi drugs, kiwa dih wei i kem na Mawprem da man i iwa jop ya ki pulit neibhah wa uwa suba wa emkti ha kani ka kaam toh uwa da kyrni wei da jooh leh ya kani ka jait kaam.
Da ong u leh wa neiliang ki bor pulit ym chong ngiah ki hadooh wow pynwiar ya ini i kaam.
Discussion about this post