Shillong: Hadien wa ka Khasi Hills Democratic Alliance (KHDA) da chimkti ko ya ka bor shynchaar Executive Committee ha Khasi Hills Autonomous District Council (KHADC) neiliang ki MDC ka Congress ye ki wow e i yrchaan ya kani ka EC wa thymme.
Katkam ka khubor wa da yoh, neiliang ki MDC ka Congress ye ki wow lai e kyrchaan noh ya kani ka EC wa thymme ha KHADC wa da yahkhmat da ka NPP ryngkat i krehlang wa ka UDP wei kamjooh leh na 3 ngut ki MDC na ka PDF wa uwi u MDC samen.
Hajrong ini, hawa yaklam wa u Kimfa Marbaniang uwa man u MLA wa MDC ka Rymbrai da ong u wa neiliang ka Congress daw chong ki myntu ka sngi ka 28 tarik wow pyrkhat wow e i kyrchaan ya ka EC wa yahkhmat da ka KHDA.
Katkam ka khubor da ong wa nadooh ynnin ka sngi neiliang ki MDC ka Congress da dep e chithi ki wow kyrchaan ya ka EC wa thymme ha KHADC.
Discussion about this post