Jowai: Ka sorkar pyrdi da thrang ko wow chna ya ki sarok Bypass ha waroh ki sorbah ka ri hapoh ka Bharatmalain Order yow pynduna yei khynnia ki sarok.
Da sorjamin hadooh 28 tylli ki Ring Road, 125 ki Choke Point wa 66 tylli ki Congestion Point ha waroh kawi ka ri hapoh ka Phase-I yong ka Bharatmala Pariyojana.
Ki sor wow yoh myntoi neini ha ka thaaiñ mihsngi ka ri kynthup ki ya ka Guwahati, Imphal, Silchar, Shillong, Dibrugarh, Dimapur wa Aizawl.
Hapoh kani ka Bharatmala Pariyojana Phase-I da mang wow pynlut T. 5,35,000 klur neibynta san snem nadooh u 2017-18 hadoh 2021-22.
Ya ini da pyntip da u Minister of State for Road Transport and Highways, Shipping and Chemical & Fertilizers, u Mansukh L Mandaviya hawa e jubab ha yung dorbar Rajya Sabha ynne ka sngi.
Discussion about this post