Shillong: Ka Meghalaya Human Rights Commission (MHRC) hei yakrehlang wa u Sub-Divisional Officer, Sohra Civil Sub-Division da pynman ko ya ka Awareness Programme on Human Rights ha St. John’s Bosco Shrine Hall, Maraikapon, Sohra ha ka 7 tarik uni u bnai.
Ha kani ka sngi da emlang u Dr. Justice Aftab Hussain Saikia, Chairperson, Meghalaya Human Rights Commission kam u kongsan hei emlang u A. Mawlong, Secretary MHRC wa u L. Kynjing, SDO (C), Sohra Civil Sub-Division.
Ha kani ka programme da wan da ki spah ngut ki khynnah skur wa ki college, ki waheh chnong, ki seiñkynthai, ki sahep na ki tnat waphær waphær. Ka thong kani ka programme toh wow pynsñiawthooh ya ki hok ki paidbah wa ye ki u yoh na ki yung kasari khamtam ka hok samen yong ki.
U Dr. Justice Aftab H. Saikia da ong u wa emkaam u tip ya ka riti synchaar ka ri. Da pynsñiawthooh u leh ya ka hok wow man laitlooid, wow im salonsar wei wow im kam wa em hok kiwi kiwa da em ha ka Constitution ka ri India. Da pynchlur u ya waroh wow thooh yutip wei wow wan cha ka Commission lada em iwon iwon i jia wa chah tyngkheiñ i hok yong ki wow yoh yada da ka aiñ Protection of Human Rights Act, 1993.
Kiwi kiwa klam ha kani ka sngi toh u A. S. Mukhim, BDO, Shella Bholaganj C & RD Block; u Banteilang Kharjana, SDPO, Sohra wa ka P. Nongrum Asst. Public Prosecutor.
Discussion about this post