Booddien u Banteidor Lyngdoh ya i chna ya ka International Multi-Sports Stadium wa T. 46 klur ha Ampati

Ampati: U montri ka tnat Sports & Youth Affairs, u Banteidor Lyngdoh ynne ka sngi da lai pait u ya i thaw wow chna ya ka International Multi-Sports Stadium and Football Stadium ha Ampati, South West Garo Hills wow booddien yeini i kreh heiyatoh wa ka National Games 2022.

Ya u montri da synraan da u Deputy Commissioner, u Ram Kumar S, ka Director of Sports & Youth Affairs, ka Matsiewdor War-Nongbri, u SP ka District, u BSW Momin, u Asstt. Director, Sports, J.P. Marak wa kiwi ki heh sorkar. Da em leh u Subhash Jhunjhunwala, Director ka J C Infra Corporation Ltd, ka company wa da ekti wow chna ya kani ka stadium hei dor T. 46 klur.

Neiliang u montri da ong u wa emkaam wow pyndep yei chna ya kani ka Stadium hapoh i por wa da booh iwa le snem.

I thaw wow chna ya kani ka Stadium toh ha Bolsalgre iwa em hajan Ampati wei heh i kamwa 16 acre ya kawa da e poisa hapoh ka NLCPR yong ka sorkar pyrdi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha kani ka sngi da yachem u leh ya ki manyung ka Bolsalgre-Bandoraja A·king kiwa da esñiawbha ya ini i thaw.

Chwa ini da yachem u ya ki sahep ka Agriculture and Horticulture Department, da lai u leh ya ka Cold Storage Facility ha Garobadha, kawa ym em de u krehkaam wow thooh ki laad wow pynkhai im biang ya ka yow myntoi ki warep. Kani ka Cold Storage Facility toh kawa pynlai da ka District Agriculture & Marketing Cooperative Society (DAMCOS).