15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Booddien u Banteidor Lyngdoh ya i chna ya ka International Multi-Sports Stadium wa T. 46 klur ha Ampati

0 Comments

Ampati: U montri ka tnat Sports & Youth Affairs, u Banteidor Lyngdoh ynne ka sngi da lai pait u ya i thaw wow chna ya ka International Multi-Sports Stadium and Football Stadium ha Ampati, South West Garo Hills wow booddien yeini i kreh heiyatoh wa ka National Games 2022.

Ya u montri da synraan da u Deputy Commissioner, u Ram Kumar S, ka Director of Sports & Youth Affairs, ka Matsiewdor War-Nongbri, u SP ka District, u BSW Momin, u Asstt. Director, Sports, J.P. Marak wa kiwi ki heh sorkar. Da em leh u Subhash Jhunjhunwala, Director ka J C Infra Corporation Ltd, ka company wa da ekti wow chna ya kani ka stadium hei dor T. 46 klur.

Neiliang u montri da ong u wa emkaam wow pyndep yei chna ya kani ka Stadium hapoh i por wa da booh iwa le snem.

I thaw wow chna ya kani ka Stadium toh ha Bolsalgre iwa em hajan Ampati wei heh i kamwa 16 acre ya kawa da e poisa hapoh ka NLCPR yong ka sorkar pyrdi.

Ha kani ka sngi da yachem u leh ya ki manyung ka Bolsalgre-Bandoraja A·king kiwa da esñiawbha ya ini i thaw.

Chwa ini da yachem u ya ki sahep ka Agriculture and Horticulture Department, da lai u leh ya ka Cold Storage Facility ha Garobadha, kawa ym em de u krehkaam wow thooh ki laad wow pynkhai im biang ya ka yow myntoi ki warep. Kani ka Cold Storage Facility toh kawa pynlai da ka District Agriculture & Marketing Cooperative Society (DAMCOS).

Share this:
Previous

Wanrah naam biang ka Sookini Sutnga ya ka ri-loom Jaiñtia

Next

Pyntikna ka sorkar wa daw man ka 17 tarik ka sngi chuti