Jowai: U montri rangbah ka jylla u Conrad K Sangma da pyñsiaw u yei sñiawsih yei khlaad u montri rangbahdooh warim ka ri u Atal Behari Vajpayee.
Da ong u wa u Vajpayee kam uwa em ha ka kaam saiñhima da man u uwa snaar bha uwa da chakri ya waroh hapoh ka ri.
“Ha ki 40 snem wa man u kam u dkhot ka Parliament uwa da chah jied 10 sien cha ka Lok Sabha wa arsien cha ka Rajya Sabha hadooh u snem 2009 hadooh wa da chongngiah u naka kaam saiñ hima sima daw kynmoo ya oo kam uwi na kiwa kreh wow pynku ya ki jylla ka thaaiñ mihsngi heiwa ki montri yong oo kam u L. K. Advani, Yashwant Sinha, Deputy Chairman of the Planning Commission K. C. Pant wa ki Governors wa ki Chief Ministers ka thaiñ mihsngi da chong ki wow pyrkhat kammon wow pynku ya kani ka thaaiñ ha Shillong haka 21-01-2000.
Hapoh i yahkhmat u Prime Minister Vajpayee, ka sorkar pyrdi da chna ko ya ka Development of North-Eastern Region (DONER) wow pyntikna wa kani ka thaaiñ u ku ko liang wa nang wei da sdang leh ya ka East-West Corridor wow pynyabi ya ka chong Silchar, Assam waka Porbandar, Gujarat wa kiwi kiwi.
“Dei khlaad u Vajpayee ka ri da dooh ko leh ya u khloor ka ri uwa sniawthooh yeiwa emkaam ka ri wow pynku kyrdan ya ka ha waroh ki liang.” da ong u Conrad.
Neibynta ki paidbah ka Meghalaya kamjooh na kiwa ha yung ha sem u (T) Purno Agitok Sangma, u Conrad da phah u ya yei sñiawngooh kamjooh ka khubor sñiawlem cha kiwa ha yung ha sem u Vajpayee yeini wa dooh ki wei i mynsien yong oo u chong suk i chi rta.
Discussion about this post