Jowai: Ha ka yalehke Quarter Final wa khaddooh yong ka Mawryngkneng Invitation Football Tournament 2018 ka Hamlen FC da psiah ko cha ka Semi Final yong ka lympung hadien wa da pynrem ko ya ka YBSC na Shella da 2-0.
Hawa kyruiñ cha ka yalehke ha ka kylla step waroh arliang da yoh ki boon tylli ki laad wow pynkhih ya ka jaar tangwa hadooh wa kut ka yalehke hei kylla step ym em wa yoh u thap.
Ha ka kylla miet won ka Hamlen FC da pynemkaam lut ko yei buit wei bor wow jop wei uwa yalehke na baar ri ka Hamlen FC u Joseph da yoh u wow pynkhih ya ka jaar nyngkong ha ka minit wa 58 wei du hadien kattu katni por da thap won ha ka minit wa 64 lyngba u Pynbha.
Da ini i jop ka Hamlen FC da psiah noh ko cha ka Semi Final yong kani ka lympung wow yakhun pyrchah ya ka Puriang FC ha ka 29 tarik uni u bnai.
Discussion about this post