Jowai: Ka lympung yalehke football wa tip kam ka Block Level Open Football Tournament Under 15 Girls, Under 15 Boys, Under 18 Girls, Under 18 Boys yong ka Thadlaskein Block kawa pynman ha Wahiajer Stadium da poi noh ko chawa kut.
Ya kani ka lympung da pynman da ka yung khrehkaam u DSO West Jaiñtia Hills District chirup i khrehlang ka Wahiajer Sports Club wa ka Thadlaskein Sports Association (TSA).
Ka sngi pynkut da sakhi wa ha i liang ki kynthai Under 15 da jop da ka Little Flower School ha ka Under 18 da jop da ka Mookyndur SC ha ka Under 15 Boys da jop da ka Little Flower School katwa ha ka Under 18 Boys won da jop da ka Larnai SC.
Ha kani ka sngi khaddooh da emlang ka BDO ka Thadlaskien Block, ka B Blah kam ka kongsan chirup wa u Hearing Shangpliang uwa man kam u DSO West Jaitñia wa u President ka Wahiajer Sports Club, u Iarly Dhar, u Secretary ka Wahiajer Sport Club, u Dauni Phawa wa u Waheh Chnong ka Wahiajer wa kiwi kiwi.
Hei klam kam ka kongsan ka B Blah da e khublei ko ya ka yung krehkaam u DSO wa da ye ko u pynman kam kani ka lympung yow e laad ya ki khynnah wa em sap wow ku ki chaphrang ha kani ka yalehke wei deiwa em kam kani ka lympung pynlait ko ya ki khynnah na ki kaam wa sih ha ka pyrthai.
Neiliang u DSO da e khublei u ya ki dhab wa da wan chimbynta ha kani ka lympung wei heijoh i por da e khublei u leh ya ka Wahiajer Sport Club wa da krehlang ko wa ka yung krehkaam yong oo wei da pyntip u wa kiwa jop daw yoh ki u mihkhmat ha ka District Level kawa daw man ha kini ki sngi wow wan.
Kani ka lympung man ko leh kam chibynta yong ka Mission Football yong ka sorkar jylla.
Discussion about this post