Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da ki le tylli ki yalehke Pre-Quarter Final.
Ha ka yalehke wa nyngkong, ka Mupliang Goodwill FC da jop ko ya ka Mukhla Chohchrieh da 4-2.
Ya ka Mupliang Goodwill da thap da u Dering Phawa ha ka minit wa 66, u Molify Sna ha ka minit wa 68 wa 74, u Greatful Sna ha ka minit wa 73 katwa ya ka Mukhla Chohchrieh da thap da u Elbious Sari ha ka minit wa 4 wa u Anikis Suna ha ka minit wa 36.
Ha ka yalehke wa ar, ka Mynsngat Ryntih da jop ko ya ka Kremmyrsiang da 2-0 da ki kool wa thap u Rimiki Mynsong ha ka minit wa 59 wa 62.
Ha ka yalehke wa le, ka Namdong Christian Club da jop ko ya ka Mynkrem da 3-1. Ya ka Namdong Christian Club da thap da u Dakyrmen Sungoh ha ka minit wa 12, u Starwell Sungoh ha ka minit wa 67 wa u Iawanlangki Lamin ha ka minit wa 30 (Own Goal) katwa ya ka Mynkrem da thap da u Iamitre Khynriam ha ka minit wa 59.
Ki yalehke mynstep:
Laru Vrs Maskut (10AM)
Shillong Police Vrs Iawthymblein (12PM)
Umjlasiaw Vrs Dongmihsngi- 1st Division Opening Match (2PM)
Discussion about this post