Shillong: Ka sorkar Meghalaya da pynbna ko wa ka bai kari waka bai kit tiar ya kiwa kamai Mini Bus-Stage Carriage (lait noh ya ki City Bus/Mini Bus wa em ha Shillong waki Contract Carriage) da pynthymme ya ki.
Iwa syad dooh i dor ya ka bai kari wa ki Contract Carriage, Stage Carriage wa ki Mini Bus kiwa lai luti hapoh jylla wa ye ki u chim toh T. 1.05 uwi u bru chi Kilometer.
Ka bai tiar wa kit yong samen kiwa em hapoh 14 Kg toh kiwa ym haap su dor katwa kiwa palat 14 Kg u kheiñ T. 0.60 na chi Quintal chi Kilometer wei ya ki mar won u kheiñ T. 0.50.
Ya ki khynnah wa 3 snem chaneiñ wa kiwa 12 snem chapoh daw kheiñ chiteiñ dor katwa ki khynnah wa em 3 snem chapoh won u chong kari ki dei mynkna.
Ki mar wa kit kiwa ymtoh ki mar rep mar baam kamjooh wa kynthup ya ki mar khloo u kheiñ heidor T. 0.70 chi Quintal chi Kilometer wei kiwi ki mar kam ki chuki, ki miej (Furniture) u kheiñ heidor T. 1.75 chi Quintal chi Kilometer
Hawa kheiñ yei dor, lada ka lai luti duna 1 Km daw chim bait da i dor 1 Km.
Hawa kit won ya ki mrad ym em booh dor wa syad dooh wow ye u chimdor wei u kheiñ bait katkam i khia.
Kini ki dor wa thymme u krehkaam ki chi syndon.
Ini toh katkam wa pyntip u Commissioner & Secretary ka sorkar Meghalaya, Transport Department.
Discussion about this post