Chah kem ki ar ngut ki heh ka seiñ ZUF na kawi ka Night Super ha Phramer, WJH

Jowai: Ki pulit naka Special Cell ka West Jaiñtia Hills ynne ka sngi da yoh ki u kem ya ki ar ngut ki heh ka seiñ kieñ suloi ka Zeliangrong United Front (ZUF) kiwa lai luti da kawi ka Bus Night Super kawa wan na Silchar kawa mut wow lai cha Guwahati.

Ki pulit hadien wa yoh ki ya ka yutip ya kini ki ar ngut, da booh ki ya ka Check Gate ha Phramer wei heipor 2:30 waje i step heipor wa sylli ya kawi ka Bus kawa em ya u number AS-01JC-1300 da chem ki ya ki heh ka ZUF u Raitu Chawang (66 snem) uwa man kam u Chairman ka ZUF wa u Gengchung Pou Namthuiyang (43 snem) uwa tip leh kam u Dangmei, uwa man kam u Information Secretary ka ZUF wei na kini ki ar ngut da yoh ya 4 tylli ki Mobile Phone.

Katkam ka takit wa da pynman da ki pulit, kini ki ar ngut da phla ki wa ki man ki ki dkhot ka ZUF wei dang mut ki wow lai cha Guwahati wei hadooh katni ym pu em tip neiyi i daw wa da lai ki cheitai.

Ka ZUF toh ka seiñ kieñ suloi kawa em ha Nagaland wa ha Manipur wei ya ka tnat chiphai yong ki da tip kam ka Zeliangrong Tiger Force (ZTF) kawa em u yong ka hi u heh (Chief).

Related posts

Phah kset ka yung bichaar ya uwa paitsiar ya kawi kynthai heipor wa dang sum

July 4, 2025

Dang pteiñ hi i chah tooh thuk-thuk

July 3, 2025

Ya kini ki ar ngut da rah hakhmat u Judicial Magistrate First Class, West Jaiñtia wei da kset ya ki neidaw man ki ki bru wa da kwah kem ki bor District ka Tamenglong, Manipur neidaw da em 5 tylli ki mukotduma pyrchah ya ki hapoh ka aiñ Arms Act.

U SP ka Tamenglong da phah u ya ki bru yong wow li kit ya kini ki arngut cha Manipur.