Shillong: U Superintendent of Police ka East Khasi Hills, u Davis N R Marak da pyntip u wa ki pulit dang takit bniah yei chah dat ki ar ngut ki bru ha Mawlai Nongpdeng ha ka 10 tarik uni u bnai, hadooh wa uwi na ki da khlaad noh u ha ka janmiet yong ka 19 tarik ha NEIGHRIMS.
Hawa klam wa kiwa pathai khubor u SP da pyntip u wa ha ka miet 10 tarik da chah dat ki ar ngut ki bru ha kani ka chnong heiwa uwi uwa la 39 snem i rta uwa tip kam u Antistone Rani da khlaad noh u ha NEIGRIHMS, katwa uwi won da mynsoo u malum malæ.
Heiyatoh wa i wym chngaaiñ i lai i wan ki paidbah ha kani ka chnong, u SP da kubur u wa em boon ki khynnah kiwa da kyrni ha i dih drugs, wei da em kiwa kem ki pulit ha ki por wa dadep.
U Davis da ong u wa hawa yaklam wa kiwa kitkaam chnong ha u snem wa dadep, da pynsñiaw ki wa i laitlaan ware ki luti chnong iwa pynman kam ki sarok bah wei boon ki kari lai lyngba ki na kani ka thaw kiwa wanrah leh yei i wym chngaaiñ de kini ki sarok.
Also Read: Khlaad u rangbah hadien wa chah dat ha ki damok ha Mawlai Nongpdeng
Discussion about this post