Kular u Pius Marwein wow pait ya ki sarok, ki thaw sumaar wa i stat i tip ha Ranikor

Jowai: Hadien 20 snem ka Ranikor Constituency da yoh MLA ko da uwa thymme wei da u kyrtong ka UDP u Pius Marwein uwa da jop ynne ka sngi da ar hajar tam ki Vote ya u MM Danggo uwa poi hei wa ar.

Hawa yaklam wa kiwa pathai khubor yei thmu yong oo kam u MLA da ong u wa nyngkong haap pynbiang ya ki sarok wei dang sahdien leh ha ka kaam ka chait ka khiah, ka puræ puthi heiwa ha Ranikor ym pu em tang kawi wot leh ka College wei dang em leh du ka wi ka CHC hapoh Ranikor wa ar tylli ki PHC.

Hawa kylli heiyatoh wa u mooyong wa em boon hapoh ka Ranikor kamjooh leh ya u Uranium da jubab u deiwa ong wa u mooyong hi toh u yoh myntoilang hi waroh ym du kitu kiwa khih mooyong emkaam leh wow yoh myntoi waroh ka District kamjooh leh ka jylla hi waroh kawi katwa ya u Uranium da ong u wa ym em kwah u ong iyi iyi leh.

Heiyatoh wa i jop yong oo da ong u wa hadien wa sñiaw wa da ieh noh u Danggo kam u MLA da sñiaw wa da man ko ka bhah wow jop neibhah u MLA warim hawa jop u ym em da jop u da iwa boon Vote wei kam ka sien wa nyngkong wa yaleh Election dang duna i chemphang wei ha kani ka sien kawa ar da man ko ka kabu ksiar wei ki paidbah wa sah ha khappood da wan sakhiat ki wow e ya i kyrchaan.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025