Pynsangeh ki pulit ka Assam yei chna ya ka yingkieñ Kureliya ha ka wah Myntang

Jowai : Katkam wa man ka yingkieñ Kureliya kawa em hajrong ka Wah Myntang ha ka chnong Tihwieh kawa pynyabi ya ki chnong Psiar, Khatkasla, Moolber, wa kiwi kiwi yoosar dang slem u pyndep ya ka.

Ynnin i janmiet ki pulit ka Assam kiwa wan na ka Jrikyndeng Police Station heiwa da phah ki ya kiwa kreh u phah wan ya u Contractor wa kreh heini wei da paan ki number phone u.

Ynne u contractor u ma Friday Hinge chirup wa u lok u da lai ki cha kani ka thaw heiwa ki pulit chirup wa u Magistrate da phah dam ki u kreh ha ka yingkieñ neidaw wa ym em yohbor u na ki bor district ka East Karbi Anglong District. Wei lada kreh bait ki daw kem ya ki tiar kreh. U OC ka Jrikyndeng Police Station da e u leh ya ka kot cha u ma Hinge deiwa mana ya oo u kreh u heini.

Related posts

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Ym yoh Ticket u Baitlang na ka VPP wow yakhun MDC na Jowai South, paan u yei kyrchaan kam u kyrtong samen

November 12, 2024

U contractor da pyntip u cha u Executive Engineer ka PWD (R) North Jowai Division, u bah Kharmawlong uwa hadien da pyntip won u cha u DC ka West Jaintia Hills u Arunkumar Kembhavi.

Hei yaklam wa u DC ka West Jaintia Hills da pyntip u wa kani ka kaam da dep yaklam u wa ki bor District ka East Karbi Anglong District wei da kular u wow pynbait noh yeini kaam hapoh ar le sngi.

Ya kani ka yingkieñ da sdang u chna nadooh Naiynniaw 2009.