I pynthud yei chna ya yingkieñ Kureliya toh i bichni : (PRBDC)

Jowai : Ka Pangam Raliang Border Development Committee (PRBC) kawa kynthup ya ka JSU, FKJGP (JH), JYF, HNPF (JH) wa ki chnong ha kitai ki thaiñ da ong ki kamni næ;

I pynthud ki pulit næ ki bru paidbah ka Assam yei chna pyndep ya ka yingkieñ Kureliya ha ka wah Myntang ka wa da sah teiñ nadooh 2003-04 toh du neiaw i bichni yei roi i paar yong ki bru katai ka thaiñ.
Neibhah emleh i tieñ wa la lait luti kani ka yingkieñ daw suk kiwa sah ha Meghalaya u lai toor cha kini ki thaiñ wei wym yohlad de ki lehbeiñ ya ki bru ka Meghalaya kiwa em ha kani ka thaiñ.
Da pynrem joor wei da dawa na ki ar ki DC kamjooh na ar jylla wow pynbait chi syndon yeini.
Kani ka yingkieñ da sdang wow chna biang nadooh ka 15 tarik u Kmaichonglad (December) 2015 hadien wa pynbor ka PRBDC.
Lada dang pteiñ ini i pynthud yei chna ya kani ka yingkieñ kamjooh lada ka sorkar ym chimkhia ko neiliang ka PRBDC daw leh ko deiwa eh.

Ya ka khubor da pynmih da u Secretary ka PRBDC u ma R. Parein u wa man leh kam u president ka JSU.