Jowai: U montri rangbahdooh ka ri u Narendra Modi ha kani ka chi tarik uni u bnai da pynbna paidbah u wa da sdang noh ya ka India Post Payments Bank (IPPB) heiwa da wai chisien wai ya 650 tylli ki tnat wei da em leh sa ki 3,250 tylli ki Access Point ha ki yung dak ka sorkar namo ki Post Office ki wow man kam ki Bank ya ki bru wa em cha nongkyndong heiwa da tip ya ka kam ka Bank ka wow em ha dwar yung.
Ha Jowai Post Office da pynman ya ka yalang chwa wow wai u Modi ya kani ka IPPB ha Delhi heiwa da emlang u Wailadmiki Shylla, MLA ka Jowai Constituency kam u kongsan uwa da saam leh ya ki QR Card cha ki le ngut kiwa nyngdooh wow wai Account ha ka IPPB ha Jowai.
Kani ka IPPB tyrwa ko leh ya ka Doorstep Banking yow lait kiwa sah cha nongkyndong u pynlut por wow lai cha sor iwa mut lada kwah ki bru u wai account, u sai poisa, u thap poisa, u phah poisa emkaam ki du wow pyntip cha ka IPPB yow booh tarik ya ka sngi wow wan kiwa kreh ka IPPB heiwa daw pynemkaam da ki Postman wow leh ya ini.
Neiliang u kongsan da pynchlur u ya ki paidbah wow wan ki cha ka Post Office yow sñiawthooh bha ki ya kani ka IPPB.
Discussion about this post