Da sdang ka 1st wa 2nd Division ka WJDSA

Jowai: Ka West Jaiñtia District Sports Association (WJDSA) ynnin ka sngi da sdang ko ya ka Chatister Kharkongor Memorial 1^st Division Fotball wa ya ka Debo Shullai Memorial Trophy 2^nd Division Football Tournament ha Kiang Nangbah Stadium.

Ha ka 1^st Division da em 12 tylli ki dhab wa chimbynta katwa ha ka 2^nd Division won da em 16 tylli.

Ha ka yalehke wa nyngkong ha ka 2^nd Division ka Mukhla Evergreen da yachem ko ya ka Lumpyrtuh Mihmyntdu wei ka yalehke da kut ko 1-1. Ya ka Lympyrtuh da thap kool u Arki Tariang ha ka minit wa 29 katwa ya ka Mukhla Evergreen da thap u Treibor Sana ha ka minit wa 35.

Related posts

Psiah Quarter ka Nonglatem wa ka Da-I-Hi Mynsngat ha ka 3rd Division ka WJDSA

September 13, 2025

Jop ka Mookyndur ha ka Super Division ka TSA

September 12, 2025

Ha ka 1^st Division hapyrdi ka Demthring waka West Madan Mustem da kut ko da 2-2. Ya ki kool ka West Madan da thap u Heimon Sutong ha ka minit wa 22 wa u Labor Pohshna ha ka minit wa 45 + 1. Ya ki kool ka Demthring da thap u Pynspain Ryngkhlem ha ka minit wa 55 wa u Launidajied Tariang ha ka minit wa 67.

Mynstep ha ka 2nd Division ka Caroline SC daw yachem ko waka Lion SC heipor chi waje i sngi katwa ha ka 1st Division won ka Moosalyngkat daw yaleh pyrchah ko ya ka Ladthadlaboh heipor 3 waje i sngi.