September: Ka esikai namo ka Awareness Programme hajrong ka ‘Social Networking and Cyber Crime’ da pynman ya ka da ka State Child Protection Society hei yakrehlang wa ka District Child Protection Unit, East Khasi Hills kawa man ka tnat yong ka Social Welfare Department, Government of Meghalaya.
Ya kani ka programme sa pynman ha kani ka 11 tarik ha U Soso Tham Auditorium.
Ka Chairperson yong ka State Commission for Protection of Child Rights, ka M. Kharkongor da man ko kam ka kongsan hei emlang u R. Muthu, Special Superintendent of Police (CID) and wa u S Rynga, Joint Director of Social Welfare Department heiwa da wan chimbynta da ki khynnah skur, wa kiwi kiwi.
Ka Kharkongor da e ko i klam hajrong i bha wa i sih yong ka internet wa ki Social Media deiwa ong wa ki khynroo emkaam bha ki wow bichaar hawa pynemkaam ya kini neibhah wa em chiboon kiwa sih wa ye u mih na ki.
Neiliang u R. Muthu wa u S Rynga, da kyntu ki ya ki khynnah toh wow im hok ki hawa pynemkaam ki ya ki Social Media wei wymtoh u chah thok chah chukor ki ha ki damok.
Ha kani ka esikai da wan leh ki bru chemphang na ka Cyber Crime Wing yong ka CID ka Meghalaya Police.
Discussion about this post